പ്രാര്‍ത്ഥന

അപ്പു അച്ഛനോടും അമ്മയോടുമൊപ്പം മുത്തശ്ശനേയും മുത്തശ്ശിയേയും കാണാന്‍ എത്തിയതാണ്‌..

ഉച്ചക്ക്‌ ഊണു കഴിക്കാന്‍
ഇരിക്കവേ അമ്മ അപ്പുവിനോടു പറഞ്ഞു:
"മോനേ ഊണു കഴിക്കുന്നതിനു മുന്‍പ്‌ ദൈവത്തോടു പ്രാര്‍ത്ഥിക്കു"
അപ്പു പറഞ്ഞു :
"ഇല്ല അതു വേണ്ട"

അമ്മ നിര്‍ബന്ധിച്ചു :

" പാടില്ല മോനേ ഈ ഭക്ഷണം തന്ന ദൈവത്തോട്‌ പ്രാര്‍ത്ഥിക്കണം "
അപ്പു പക്ഷെ അതിനു തയ്യറായിരുന്നില്ല.
അവന്‍ അമ്മയേ ശ്രദ്ധിക്കാതെ ഭക്ഷണം കഴിക്കാന്‍ തുടങ്ങുന്നതു കണ്ട്‌ അമ്മക്കു ദേഷ്യം വന്നു..
അമ്മ പറഞ്ഞു :

"അപ്പൂ പ്രാര്‍ത്ഥിക്കൂ നമ്മള്‍ വീട്ടില്‍ എപ്പോഴും അങ്ങനെ ചെയ്യാറുണ്ട്‌..... പിന്നെന്താ ഇപ്പോ? "

അപ്പു പറഞ്ഞു :

" അത്‌ വീട്ടില്‍ ഇവിടെ മുത്തശ്ശിയല്ലേ ഭക്ഷണം ഉണ്ടാക്കുന്നത്‌? മുത്തശ്ശിയ്ക്കറിയാം എങ്ങനെയാണ്‌ ഭക്ഷണം ഉണ്ടാക്കേണ്ടത്‌ എന്ന്"

അപ്പു പറഞ്ഞത്‌ കേട്ട്‌ എല്ലാവരും ചിരിച്ചു പോയി.....